رواية راائعة للكاتبة دعاء احمد مكتملة لجميع الاجزاء ( صدفة )
المحتويات
ليا انا اكيد بتهزر.. و بعدين ممكن العريس دا يكون قاصده مريم لأننا شبه بعض... قولها هي.
عبد الرحيم العريس دا يبقى ابراهيم... و هو طالب ايدك انتي مش مريم.
صدفة سكتت و هي بتستوعب اللي قاله كانت فعلا مش مصدقة الفكرة و أنه أتقدم لها رغم ان المواقف اللي جمعتهم الفترة الأخيرة مفروض تخليها متوقعه دا لكن هي فعلا كانت مش مصدقة لكن في جزء جواها فرحان...
صدفة باستيعاب و هي بتشاور بصباعه على أوضة ابراهيم فوقها
عبد الرحيم اومال هيكون ليا انا اكيد ليكي.. و بعدين شكله كدا الله اعلم بيحبك.
صدفة ابتسمت بخجل من عفوية الكلمة
بيحبني
عبد الرحيم بخبث الله اعلم بس مالك فرحتي كدا ليه
صدفة لا عادي يعني مفيش حاجة و بعدين ما دا الطبيعي انا اصلا اتحب بس ايه اللي مخليك تقول كدا
صدفة بسرعة و انت قلت له ايه
عبد الرحيم قلت له هفكر و هسالك... و برضو انا عايزك تاخدي وقتك في التفكير و خصوصا ان كنتي ناويني تسافري تاني لان الوضع هيتغير لما تتجوزي...
عبد الرحيم بصي يا صدفة الجواز يا بنتي عمره ما كان بالڠصب و انتي ليكي حرية الموافقه او الرفض.... على العموم انا مش هرد عليه دلوقتي... فكري براحتك و قولي لي ناويه على ايه...
في نفس الوقت
مريم فتحت الباب و دخلت و باين عليها النوم
عبد الرحيم المسلسل خلص و لا اي..
عبد الرحيم مالك قالبه بوزك كدا ليه...
مريم نهوا الحلقه بنهاية مستفزة و هي حلقه كل أسبوع يعني هضطر استنى الأسبوع الجاي علشان تعرف اللي هيحصل.
عبد الرحيم انا هروح انام بدل المهلبية اللي في دماغك... ياله تصبحوا على خير.
و انت من اهل الخير...
عبد الرحيم خرج و مريم لاحظت ان صدفة ساكته
صدفة كان بيقول لي ان ابراهيم طلب ايدي.
مريمابراهيم مين
صدفة إبراهيم فاروق....
مريمأنتي بتتكلمي جد
صدفة اه هو لسه قايل لي
مريمو انتي رأيك ايه
صدفة خاېفة ارد
مريم بأن عليها الحزن لكن مع ذلك مكنتش متضايقة يمكن لأنها لاحظت من بدري ان ابراهيم مشدود لصدفة و خصوصا انها شافته يوم ما نزل السبت و ادي لصدفة الشكولاته... زعلت في البداية لكن هي كانت عارفه انها مش بتحبه هي بس كانت معجبة بيه و بتفكر في نفس الشيء انه عريس مناسب و شاب جدع و محترم...
مريم بابتسامةوافقي يا صدفة.
صدفة بصت لها باستغراب لكن مريم قامت قفلت الباب و رجعت قعدت جانبها
صدفة ليه أوافق...
مريم شدت عليها اللحاف و مسكت ايد صدفة
اتكلم معاكي بصراحة... إبراهيم شاب جدع و الكل بيحلف برجولته و شهامته... انا نفسي ياما دافع عني لو حد أتعرض لي و انتي كمان يوم ما كنا في السوق و الشباب اتعرضوا لينا هو أول واحد جيه و ساعدنا رغم ان السوق كان فيه رجاله شايفين اللي بيحصل لكن محدش أتدخل...و علشان لما بابا كان بيتزنق كان ابوه اول واحد بيقف جنبه... و لأنه جدع ابن حلال و محترم
و علشان انتي كمان تستاهلي حد يشيلك جوا عنيه و ېخاف عليكي ابراهيم اللي في قلبه بيطلع على لسانه و لو شايف انك وحشه في أخلاقه هيقولها لك في وشه...
صدفة بس أنا لسه معرفوش...
مريملا يا حبيبتي ما احنا عندنا في مصر نتخطب و بعد كدا نتعرف إنما جو التعارف الاول و الحب و بعد كدا نتجوز دا عندكم في أمريكا.
صدفة طب افرضي حصل حاجة و اضطريت ارجع أمريكا...
مريمبصي انا معرفش بس انا شايفه أنها احسن حاجة ممكن تحصل الفترة دي انك تتخطبي لاني عايزاه البس فستان سواريه...
صدفة دا كل اللي همك
مريم بجديةصدفة انتي معجبه ب إبراهيم
سكتت و وشها احمر و هي مش عارفه تقول إيه
مريميبقى ليه بقا التردد و التفكير الكتير... خير البر عاجله...
صدفة طب و ماما
مريم سكتت هي كمان و الاتنين فضلوا ساكتين حوالي عشر دقايق
مريم بصي انتي هتكلميها و تقولي لها أن في شخص متقدم لك و انك موافقه و شوفي ردة فعلها و رأيها و كمان قولي لخالو شوقي اظن ان
متابعة القراءة
